ალერგიული კონტაქტური დერმატიტი
Allergic contact dermatitis
რა არის ალერგიული კონტაქტური დერმატიტი?
ალერგიული კონტაქტური დერმატიტი- ეს არის კანის ალერგენთან კონტაქტის შედეგად გამოწვეული ჰიპერმგრძნობელობითი რეაქცია.
რა იწვევს დაავადებას?
დაავადების გამომწვევს წარმოადგენს სხვადასხვა სახის ალერგენები (ქიმიური ნივთიერებები, მეტალები, კოსმეტიკური საშუალებები, საღებავები, ტოპიკური ანტიბიოტიკები და სხვა).
როგორ გამოვლინდება დაავადება?
• კანის ალერგენთან კონტაქტის შემდეგ გამონაყარი და ანთების ნიშნები ჩნდება 12-48 საათში, თუმცა შესაძლებელია მოგვიანებითაც.
• გამონაყარის ინტენსივობა დამოკიდებულია ალერგენის კონცენტრაციასა და კანთან მისი ექსპოზიციის დროზე.
• დამახასიათებელია ქავილი, წვა და შეშუპება ალერგენთან კონტაქტის ადგილზე.
• უფრო ხშირი ლოკალიზაციაა სახე, წინამხრები და მტევნები.
• ფოტოალერგიული დერმატიტის დროს გამონაყარი ვითარდება მზის სხივების ექსპოზიციის ფარგლებში.
• გამონაყარი არის ერითემატოზული, შეშუპებული, მოწითალო ელფერის, დამახასიათებელია ბუშტუკებისა და ბუშტების არსებობა.
• პროცესის გენერალიზების დროს გამონაყარი ვრცელდება სხეულის სხვა ნაწილებშიც.
არის თუ არა გადამდები დაავადება?
არ არის გადამდები დაავადება.
განკურნებადია თუ არა დაავადება?
ალერგიული კონტაქტური დერმატიტი განკურნებადი დაავადებაა.
როგორია მკურნალობის მეთოდები?
• ალერგენის ინდიკაცია და მისი მოქმედების შეწყვეტა.
• ანტიჰისტამინური პრეპარატები.
• ტოპიკური სტეროიდები.
• მძიმე შემთხვევებში სისტემური მოქმედების სტეროიდები.
