მრავალფორმიანი ექსუდაციური ერითემა
Erythema multiforme
რა არის მრავალფორმიანი ექსუდაციური ერითემა?
მრავალფორმიანი ექსუდაციური ერითემა - ეს არის ინფექციურ-ალერგიული ბუნების დაავადება, რომელსაც ახასიათებს მწვავე მიმდინარეობა და ”სამიზნის” მქონე გამონაყარის არსებობა.
რა იწვევს დაავადებას?
• დაავადება ხშირად ასოცირებულია სხვადასხვა სახის ინფექციურ დაავადებებთან, როგორიცაა ჰერპეს ვირუსული, მიკოპლაზმას მიერ გამოწვეული და ზემო სასუნთქი გზების ინფექციები.
• იშვიათად დაკავშირებულია სხვადასხვა სახის ალერგენებთან, ხშირად ახლავს ავთვისებიან სიმსივნეებს და ორსულობის პერიოდს.
• დაავადება გამოხატავს ციტოტოქსიურ იმუნურ პასუხს სხვადასხვა სახის ანტიგენზე.
როგორ გამოვლინდება დაავადება?
• დაავადება შესაძლოა გამოვლინდეს ერითემატოზული ლაქების, ”სამიზნის” მქონე ბუშტუკებისა და ბუშტების სახით.
• გამონაყარს ახასიათებს წვა და ქავილი.
• გამონაყარი ქრება დანაწიბურების გარეშე.
• ახასიათებს ანთებისშემდგომი ჰიპერპიგმენტაციები.
• ურტიკარიისაგან განსხვავებით, გამონაყარი არ ქრება რამდენიმე საათში.
• ახასიათებს ”კებნერის ფენომენი” - ანუ გაღიზიანების ადგილზე ახალი ელემენტების წარმოქმნა.
• გამონაყარს შესაძლოა თან ახლდეს საერთო სისუსტე, ხველა და ცხელება.
არის თუ არა გადამდები დაავადება?
მრავალფორმიანი ექსუდაციული ერითემა არ არის გადამდები დაავადება.
განკურნებადია თუ არა დაავადება?
დაავადება განკურნებადია.
როგორია მკურნალობის მეთოდები?
• ტოპიკური ანტიბაქტერიული საშუალებები.
• ორალური სტეროიდები- მძიმე შემთხვევებში.
• თანმხლები დაავადების მკურნალობა.
• მეორადი ინფიცირების პრევენცია.
ძიება ვებ-გვერდზე
ჰიპერმგრძნობელობითი რეაქციები და ვასკულიტები
