ჰენოხ-შონლეინის პურპურა
Henoch-Schonlein purpura
რა არის ჰენოხ-შონლეინის პურპურა?
ჰენოხ- შონლეინის პურპურა - ეს არის მცირე კალიბრის სისხლძარღვების ანთება, რომელიც ძირითადად გვხვდება ბავშვთა ასაკში.
რა იწვევს დაავადებას?
დაავადების პათოგენეზში მნიშვნელოვანია პოსტკაპილარულ ვენულებში A იმუნოგლობულინების ჩალაგება. ხელშემწყობ ფაქტორებს მიეკუთვნება ინფექციური დაავადებები.
როგორ გამოვლინდება დაავადება?
• დაავადების პირველი გამოვლინება ხდება 4-8 წლის ასაკში, ჩვეულებრივ ვითარდება მწვავე რესპირატორული ინფექციიდან 1-2 კვირის შემდეგ.
• დაავადება გამოვლინდება მოვარდისფრო ან მოწითალო ლაქების სახით, რომელთა ადგილზეც მალევე წარმოიქმნება კვანძი.
• ხშირი ლოკალიზაციაა ქვემო კიდურები და დუნდულების არე.
• 3 წლამდე ასაკში ხშირია თვალბუდის არეებისა და ყურების შეშუპება.
• შემთხვევათა უმრავლესობაში გამონაყარს თან ერთვის ცხელება, თავის ტკივილი, ართრალგია და აბდომინალური ტკივილი.
• იშვიათად შესაძლოა განვითარდეს სისტემური ცვლილებები (ნერვული, კარდიოლოგიური და პულმონალურ სისტემათა ორგანოების დაზიანებით).
არის თუ არა გადამდები დაავადება?
არ არის გადამდები დაავადება.
განკურნებადია თუ არა დაავადება?
ჰენოხ- შონლეინის პურპურა განკურნებადი დაავადებაა.
როგორია მკურნალობის მეთოდები?
• ართრალგიის შემთხვევაში არასტეროიდული ანთების საწინააღმდეგო საშუალებები.
• რთულ შემთხვევებში სისტემური სტეროიდები.
• სხვადასხვა პროფილის ექიმ-სპეციალისტების მეთვალყურეობა.
ძიება ვებ-გვერდზე
ჰიპერმგრძნობელობითი რეაქციები და ვასკულიტები
