ლიპოიდური ნეკრობიოზი (Necrobiosis lipoidica)
რა არის ლიპოიდური ნეკრობიოზი?
ლიპოიდური ნეკრობიოზი – ეს არის კანის ანთებითი ხასიათის დაავადება, გამოწვეული დერმაში კოლაგენის დეგენერაციით.
რა იწვევს დაავადებას?
დაავადების გამომწვევი მიზეზი უცნობია, თუმცა შემთხვევათა უმრავლესობაში შეუღლებულია შაქრიან დიაბეტთან.
როგორ გამოვლინდება დაავადება?
• დაავადება გამოვლინდება მომრგვალო ფორმის, იისფერი შეფერილობის ლაქოვანი გამონაყარის სახით.
• გამონაყარის ცენტრალური ნაწილი მოყვითალო ელფერისაა, ხოლო პერიფერია– მოწითალო ელფერის.
• ცენტრალურ ნაწილში გამოხატულია ატროფია და ტელეანგიექტაზიები.
• გამონაყარი ჩვეულებრივ ასიმპტომურია.
• ტრავმის ადგილზე ხშირად ჩნდება წყლული.
• დროთა განმავლობაში გამონაყარის საზღვრები ფართოვდება.
• დამახასიათებელი ლოკალიზაციაა წვივები, მხრები და თავის თმიანი მიდამო.
არის თუ არა გადამდები დაავადება?
დაავადება გადამდები არ არის.
განკურნებადია თუ არა დაავადება?
დაავადება განკურნებადია.
როგორია მკურნალობის მეთოდები?
• ადგილობრივი სტეროიდები გვერდითი მოვლენების გათვალისწინებით.
• დიაბეტის არარსებობის შემთხვევაში სისტემური სტეროიდების ხანმოკლე კურსი.
ძიება ვებ-გვერდზე
შინაგანი დაავადებების გამოვლინება კანზე
