ბოუენის დაავადება (Bowen’s disease)

რა არის ბოუენის დაავადება?

ბოუენის დაავადება – ეს არის კერატინოციტებისგან წარმოქმნილი სიმსივნე, რომელიც აზიანებს კანს და ლორწოვან გარსებს. იგი წამოადგენს ბრტყელუჯრედოვანი კარცინომის ზედაპირულ ვარიანტს.

რა იწვევს დაავადებას?

დაავადების გამომწვევი მიზეზი ზუსტად ცნობილი არ არის, სავარაუდო გამომწვევებს მიეკუთვნებიან: ადამიანის პაპილომა ვირუსი, ულტრაიისფერი გამოსხივება, რადიაცია, ქიმიური ნაერთების მოქმედება და სხვა.

როგორ გამოვლინდება დაავადება?

• დაავადება გამოვლინდება სოლიტარული, მოვარდისფრო ან მოწითალო ელფერის ლაქების ან ბალთების სახით.
• კერების ზედაპირი დაფარულია მშრალი ქერცლით.
• კლინიკურად წააგავს ფსორიაზს ან ეგზემას.
• გამონაყარის პერიფერია კანის ზედაპირიდან წამოწეულია.
• ხშირად გამოხატულია ანთების ნიშნები.
• დაავადება არანამკურნალევ შემთხვევაში გადაიზრდება ინვაზიურ კარცინომაში.

გადამდებია თუ არა დაავადება?

დაავადება გადამდები არ არის.

განკურნებადია თუ არა დაავადება?

დროული ჩარევის შემთხვევაში დაავადება სრულიად განკურნებადია.

როგორ ხდება დაავაადების მკურნალობა?

    • ქიმიოთერაპია.
    • კრიოთერაპია.
    • კიურეტაჟი.
    • ქირურგიული ექსციზია.


ბოუენის დაავადება ბოუენი bouenis daavadeba